Entertainment
oi-Shankrappa Parangi
Dhurandhar-2 Latest Update: ‘ಧುರಂಧರ 2: ದಿ ರಿವೆಂಜ್’ ಸಿನಿಮಾ ವರ್ಷದ ಅತ್ಯುತ್ತಮ ಸಿನಿಮಾ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಪ್ರೇಕ್ಷಕರಿಂದ ಮನ್ನಣೆ ಪಡೆದು ಸುಮಾರು 2000 ಕೋಟಿ ರೂಪಾಯಿ ಸಂಗ್ರಹದತ್ತ ದಾಪುಗಾಲಿಟ್ಟಿರುವ ಈ ಸಿನಿಮಾದ ನಟಿ ಸಾರಾ ಅರ್ಜುನ್, ಅಭಿಮಾನಿಗಳ ಕುರಿತು ವಿಶೇಷ ಪೊಸ್ಟ್ ಹಂಚಿಕೊಂಡಿದ್ದಾರೆ.
ಹೌದು, ನಟಿ ಸಾರಾ ಅರ್ಜುನ್, ತಮ್ಮ ‘ಧುರಂಧರ್’ ಮತ್ತು ‘ಧುರಂಧರ್ 2: ದಿ ರಿವೆಂಜ್’ ಚಿತ್ರಗಳ ಭರ್ಜರಿ ಯಶಸ್ಸಿನಲ್ಲಿದ್ದಾರೆ. ಈ ಸಿನಿಮಾ ಬಾಲಿವುಡ್ನಲ್ಲಿ ಮಿಂಚಿದ ಇತ್ತೀಚಿನ ವರ್ಷಗಳ ಅಗ್ರ ಸಿನಿಮಾ ಆಗಿ ಹೊರ ಹೊಮ್ಮಿದೆ. ನಟ ರಣವೀರ್ ಸಿಂಗ್ಗೆ ಮಾತ್ರವಲ್ಲದೇ, ನಟಿ ಸಾರಾ ಅರ್ಜುನ್ ಗೂ ದೊಡ್ಡ ಬ್ರೇಕ್ ನೀಡಿದೆ.
ಫ್ಯಾನ್ಸ್ಗೆ ನಟಿ ಸಾರಾ ಅರ್ಜುನ್ ಧನ್ಯವಾದ
‘ಧುರಂಧರ’ ಸಿನಿಮಾ ಬಗ್ಗೆ ಪೋಸ್ಟ್ ಮಾಡಿರುವ ನಟಿ ಸಾರಾ ಅರ್ಜುನ್ ಅವರು, ಪ್ರೇಕ್ಷಕರಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ. ಕಳೆದ ಕೆಲವು ತಿಂಗಳುಗಳಿಂದ ಚಿತ್ರಗಳಿಗೆ ದೊರೆತ ಅಪಾರ ಪ್ರೀತಿಗಾಗಿ, ಸಾರಾ ಅವರು ನಾಯಕ ನಟ ರಣವೀರ್ ಸಿಂಗ್ ಅವರೊಂದಿಗಿನ ಚಿತ್ರದ ಸ್ಕ್ರೀನ್ಶಾಟ್ಗಳನ್ನು ಹಂಚಿಕೊಂಡು, ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ್ದಾರೆ
ನಟಿ ಸಾರಾ ತಮ್ಮ ಸಾಮಾಜಿಕ ಮಾಧ್ಯಮ ಪೋಸ್ಟ್ಗೆ “ಯಾಲಿನಾ ಪರವಾಗಿ, ನಿಮ್ಮೆಲ್ಲರ ಪ್ರೀತಿಗಾಗಿ ಧನ್ಯವಾದಗಳು” ಎಂದು ಶೀರ್ಷಿಕೆ ಬರೆದುಕೊಂಡಿದ್ದಾರೆ. ಆಕ್ಷನ್-ಭರಿತ ಕಥಾಹಂದರದಲ್ಲಿ ಯಾಲಿನಾ ಪಾತ್ರಕ್ಕೆ ಸಾರಾ ಜೀವ ತುಂಬಿದ ರೀತಿ ವ್ಯಾಪಕ ಮೆಚ್ಚುಗೆ ಪಡೆದಿದೆ. ಪ್ರೇಕ್ಷಕರು ಅವರ ಭಾವನಾತ್ಮಕ ಆಳ ಮತ್ತು ತೆರೆಯ ಮೇಲಿನ ಪ್ರಭಾವಶಾಲಿ ನಟನೆಯನ್ನು ಶ್ಲಾಘಿಸಿದ್ದಾರೆ.
₹1,700 ಕೋಟಿ ಗಡಿ ದಾಟಿದ ‘ಧುರಂಧರ 2’
ರಣವೀರ್ ಸಿಂಗ್ ನಾಯಕತ್ವ ಮತ್ತು ಆದಿತ್ಯ ಧರ್ ನಿರ್ದೇಶನದ ‘ಧುರಂಧರ್ 2’ ಚಿತ್ರವು ಇತ್ತೀಚಿನ ಅತಿದೊಡ್ಡ ಬಾಕ್ಸ್ ಆಫೀಸ್ ಯಶಸ್ಸುಗಳಲ್ಲಿ ಒಂದಾಗಿದೆ. ಕೇವಲ 25 ದಿನಗಳಲ್ಲಿ, ಈ ಚಿತ್ರ ವಿಶ್ವಾದ್ಯಂತ ₹1,700 ಕೋಟಿ ಗಡಿ ದಾಟಿದೆ. ಇಷ್ಟು ಕಡಿಮೆ ಅವಧಿಯಲ್ಲಿ ಈ ಮೈಲಿಗಲ್ಲನ್ನು ಸಾಧಿಸಿದ ಮೊದಲ ಹಿಂದಿ ಚಿತ್ರ ಎಂಬ ಕೀರ್ತಿಗೆ ಇದು ಪಾತ್ರವಾಗಿದೆ. ಇದು ಹಾಲಿವುಡ್ ಚಿತ್ರಗಳನ್ನು ಹಿಂದಿಕ್ಕಿ ಜಾಗತಿಕ ಟಾಪ್ 10ರಲ್ಲಿ ಸ್ಥಾನ ಪಡೆದಿದೆ. ಎಲ್ಲರೂ ಬಾಲಿವುಡ್ನತ್ತೆ ಮತ್ತೊಮ್ಮ ತಿರುಗಿ ನೋಡುವಂತೆ ಮಾಡಿದೆ.
‘ಧುರಂಧರ್ 2’ ಚಿತ್ರದ 1,700 ಕೋಟಿ ರೂ.ಗಳಿಕೆಯೊಂದಿಗೆ, ‘ಧುರಂಧರ್’ ಫ್ರಾಂಚೈಸಿಯ ಒಟ್ಟಾರೆ ಬಾಕ್ಸ್ ಆಫೀಸ್ ಸಂಗ್ರಹ ಅಧಿಕೃತವಾಗಿ 3,000 ಕೋಟಿ ರೂ. ದಾಟಿದೆ ಎನ್ನಲಾಗುತ್ತಿದೆ. ಕೇವಲ ಎರಡು ಚಿತ್ರಗಳ ಮೂಲಕ ಈ ಗಡಿ ತಲುಪಿದ ಮೊದಲ ಭಾರತೀಯ ಚಲನಚಿತ್ರ ಫ್ರಾಂಚೈಸಿ ಎಂಬ ಹೆಗ್ಗಳಿಕೆಗೆ ಇದು ಪಾತ್ರವಾಗಿದೆ. ದೇಶೀಯವಾಗಿ, ದಾಖಲೆ ಮುರಿದ ಆರಂಭಿಕ ವಾರದ ನಂತರ ವೇಗ ಕೊಂಚ ಮಂದಗತಿ ಕಂಡರೂ, ಸಿನೆಮಾ ಭಾರತದ ನಿವ್ವಳ ಗಳಿಕೆಯಲ್ಲಿ 1,000 ಕೋಟಿ ರೂ.ಗೂ ಹೆಚ್ಚು ಸಂಗ್ರಹಿಸಿದೆ ಎಂದು ವರದಿ ಆಗಿದೆ.
Disclaimer: This content was automatically imported from a third-party source via RSS feed. The original source is: https://kannada.oneindia.com/entertainment/dhurandhar-actress-sara-arjun-thanks-fans-as-dhurandhar-2-crosses-rs-1700-crore-at-global-box-office-450345.html. xn--babytilbehr-pgb.com does not claim ownership of this content. All rights remain with the original publisher.
