Gold Rate Today: ಆಭರಣಪ್ರಿಯರೇ ಗಮನಿಸಿ, ಇಂದು ಚಿನ್ನದ ಬೆಲೆ ಏರಿಕೆ- ಬೆಳ್ಳಿ ಸ್ಥಿರ, ಮಾರುಕಟ್ಟೆ ದರ ವಿವರ | Gold Prices Rise in India While Silver Stays Stable, MCX Trends Show Weekly Gains, More details

Business

oi-Shankrappa Parangi

Gold Silver Price Today: ದೇಶೀಯ ಚಿನ್ನದ ಬೆಲೆ ಏರಿಕೆ ಕಂಡರೆ, ಬೆಳ್ಳಿ ಇತ್ತೀಚಿನ ಗರಿಷ್ಠ ಮಟ್ಟ ತಲುಪಿದರೂ ಇದೀಗ ಸ್ಥಿರವಾಗಿದೆ. ದುರ್ಬಲ ಡಾಲರ್, ಕಡಿಮೆ ಕಚ್ಚಾ ತೈಲ ಬೆಲೆಗಳು ಹಾಗೂ ಇನ್ನಿತರ ಅಂಶಗಳಿಂದ ಲೋಹಗಳ ಬೆಲೆಯಲ್ಲಿ ಆಶಾವಾದ ಏರಿಕೆ ಆಗಿದೆ. ಜೊತೆಗೆ, ಪ್ರಾದೇಶಿಕ ಬೇಡಿಕೆ ಮತ್ತು ತಯಾರಿಕಾ ಶುಲ್ಕಗಳೂ ಸಹ ಪ್ರಮುಖ ಕೇಂದ್ರಗಳಲ್ಲಿ ಬೆಲೆಗಳ ಮೇಲೆ ಪ್ರಭಾವ ಬೀರಿವೆ. ಇಂದಿನ MCXನಲ್ಲಿ ನಡೆದ ವಹೀವಾಟು ವಿವರ ಇಲ್ಲಿದೆ.

ಇಂದು ಏಪ್ರಿಲ್ 12 ಭಾರತದಲ್ಲಿ ಚಿನ್ನ ಮತ್ತು ಬೆಳ್ಳಿ ಬೆಲೆಗಳು ವಾರದ ಅಂತ್ಯದಲ್ಲಿ ಕೊಂಚ ಜಿಗಿತ ಕಂಡಿವೆ. ಅಮೆರಿಕ-ಇರಾನ್ ಕದನ ವಿರಾಮ ಮತ್ತು ಇಸ್ಲಾಮಾಬಾದ್ ಶಾಂತಿ ಮಾತುಕತೆಗಳು ಭೌಗೋಳಿಕ-ರಾಜಕೀಯ ಉದ್ವಿಗ್ನತೆಯನ್ನು ಕಡಿಮೆಗೊಳಿಸಿವೆ. ಕಡಿಮೆ ಕಚ್ಚಾ ತೈಲ ಬೆಲೆಗಳು ಹಾಗೂ ದುರ್ಬಲ ಯುಎಸ್ ಡಾಲರ್ ಬುಲಿಯನ್ ಮಾರುಕಟ್ಟೆಗಳಲ್ಲಿ ದರಗಳು ಸ್ಥಿರವಾಗಿವೆ. ಚಿಲ್ಲರೆ ಚಿನ್ನದ ದರಗಳು 10 ಗ್ರಾಂಗೆ ಸುಮಾರು ₹490 ರಷ್ಟು ಏರಿಕೆ ಆಗಿದೆ.

ಇಂದು 24K ಚಿನ್ನವು ₹490 ಏರಿಕೆಯಾಗಿ 10 ಗ್ರಾಂಗೆ ₹1,52,840 ಕ್ಕೆ ತಲುಪಿತು. ದೇಶೀಯ 24K ಚಿನ್ನವು ಈಗ ಮೂರು ವಾರಗಳ ಗರಿಷ್ಠ ಮಟ್ಟ ದಾಖಲಿಸಿದೆ. ಏಪ್ರಿಲ್ 8 ರ ಕದನವಿರಾಮ ಘೋಷಣೆಯ ನಂತರ ವಹಿವಾಟು ಏರಿಳಿತದಿಂದ ಕೂಡಿದೆ. ಅಂತರಾಷ್ಟ್ರೀಯ ಮಟ್ಟದಲ್ಲಿ ಪ್ರತಿ ಔನ್ಸ್‌ಗೆ ಸುಮಾರು 4,888ನಷ್ಟಕ್ಕೆ ಏರಿಕೆ ಆಯಿತು. ಜಾಗತಿಕ ಮಾರುಕಟ್ಟೆಗಳು ವಾರಾಂತ್ಯದಲ್ಲಿ ಮುಚ್ಚಿದ್ದರೂ, ಸ್ಪಾಟ್ ಚಿನ್ನವು ಸುಮಾರು ಶೇ.2ರಷ್ಟು ಏರಿಕೆಯೊಂದಿಗೆ ವಾರವನ್ನು (ಭಾನುವಾರಕ್ಕೆ ವಾರ ಪೂರ್ಣ) ಪೂರ್ಣಗೊಳಿಸಿದರೆ, ಬೆಳ್ಳಿ ಶೇ. 1.6 ರಿಂದ 2 ರಷ್ಟು ಸಾಪ್ತಾಹಿಕ ಲಾಭ ದಾಖಲಿಸಿದೆ.

ಮುಂದುವರಿದ ಚಿನ್ನ ಖರೀದಿ

ಭಾರತದಲ್ಲಿ ಶುದ್ಧ 24 ಕ್ಯಾರಟ್ ಚಿನ್ನದ ಬೆಲೆ (99.9% ಶುದ್ದ) ಇಂದು (ಏಪ್ರಿಲ್ 12) ಪ್ರತಿ ಗ್ರಾಂಗೆ ₹15,284 ಅಥವಾ 10 ಗ್ರಾಂಗೆ ₹1,52,840 ಇದೆ. ಒಂದೇ ದಿನಕ್ಕೆ ₹490 ರಷ್ಟು ಚೇತರಿಕೆ ಕಂಡಿದೆ. ವಾರಾಂತ್ಯದಲ್ಲಿ ಅಂತಾರಾಷ್ಟ್ರೀಯ ವಹಿವಾಟು ಇಲ್ಲವಾದರೂ ಸಹಿತ ಬಂಗಾರ ಖರೀದಿ ಚಟುವಟಿಕೆ ನಿರಂತರವಾಗಿರುತ್ತದೆ.

ಆಭರಣಗಳಿಗೆ ಬಳಸುವ 22 ಕ್ಯಾರಟ್ (91.6% ಶುದ್ಧತೆ) ಚಿನ್ನದ ರಾಷ್ಟ್ರವ್ಯಾಪಿ ಬೆಲೆ ಪ್ರತಿ ಗ್ರಾಂಗೆ ₹14,010 ಅಥವಾ 10 ಗ್ರಾಂಗೆ ₹1,40,100 ರಷ್ಟಿದೆ. ಹಗುರವಾದ ವಿನ್ಯಾಸಗಳಲ್ಲಿ ಸಾಮಾನ್ಯವಾಗಿ ಬಳಸುವ 18K ಚಿನ್ನವು ಪ್ರತಿ ಗ್ರಾಂಗೆ ₹11,463 ಮತ್ತು 10 ಗ್ರಾಂಗೆ ₹1,14,630 ರೂ.ಗೆ ಮಾರಾಟವಾಗುತ್ತಿದೆ. ಇದು ಮೂಲ ಬೆಲೆಯಾಗಿದ್ದು, ಜಿಎಸ್‌ಟಿ, ವೇಸ್ಟೇಜ್, ತಯಾರಿಕಾ ಶುಲ್ಕ ಸೇರಿ ದರದಲ್ಲಿ ಇನ್ನೂ ಹೆಚ್ಚಾಗುತ್ತದೆ. ನಗರದಿಂದ ನಗರಕ್ಕೆ ದರ ಕೊಂಚ ವ್ಯತ್ಯಾಸವಿರುತ್ತದೆ.

ಪ್ರಮುಖ ನಗರಗಳಲ್ಲಿ ಎಷ್ಟಿದೆ ಚಿನ್ನದ ಬೆಲೆ

ದೆಹಲಿ ಮತ್ತು ಜೈಪುರದಲ್ಲಿ 24ಕ್ಯಾರಟ್ ಚಿನ್ನದ ದರವು 10 ಗ್ರಾಂಗೆ ₹1,52,990 ರಷ್ಟಿದೆ. ಅತ್ಯಧಿಕ ಬೆಲೆಯಾಗಿತ್ತು. ಚೆನ್ನೈನಲ್ಲಿ ₹1,53,820 ರಷ್ಟಿದ್ದು, ಇದು ಮುಂಬೈಗಿಂತ ಅಧಿಕವಾಗಿದೆ. ಇನ್ನು ಮುಂಬೈ, ಬೆಂಗಳೂರು, ಹೈದರಾಬಾದ್, ಕೋಲ್ಕತ್ತಾ ಮತ್ತು ಪುಣೆ ಸೇರಿದಂತೆ ಹೆಚ್ಚಿನ ಮಹಾನಗರಗಳಲ್ಲಿ ₹1,52,840 ಇದೆ ಎಂದು ವರದಿ ಆಗಿದೆ.

22 ಕ್ಯಾರಟ್ ಚಿನ್ನದ ಬೆಲೆ

ಇದೇ ನಗರಗಳಲ್ಲಿ 22 ಕ್ಯಾರಟ್ ಚಿನ್ನದ ಬೆಲೆ 10 ಗ್ರಾಂಗೆ ₹1,40,100 ರಿಂದ ₹1,41,000 ರವರೆಗೆ ಮಾರಾಟವಾಗುತ್ತಿದೆ. ದೆಹಲಿ, ಜೈಪುರ ಮತ್ತು ಲಕ್ನೋದಲ್ಲಿ 22ಕ್ಯಾರಟ್ ಚಿನ್ನ ₹1,40,250 ರಷ್ಟಿತ್ತು. ಮುಂಬೈ, ಬೆಂಗಳೂರು, ಹೈದರಾಬಾದ್, ಕೋಲ್ಕತ್ತಾ ಮತ್ತು ಪುಣೆಯಲ್ಲಿ ₹1,40,100 ರಂತೆ ವಹಿವಾಟು ನಡೆಸಿದೆ. ಚೆನ್ನೈ ₹1,41,000 ರೊಂದಿಗೆ ಹೆಚ್ಚುವರಿ ಬೆಲೆ ಕಾಯ್ದುಕೊಂಡಿದೆ. ಈ ದರ ನೋಡಿದರೆ ದೇಶದ ದಕ್ಷಿಣ ಭಾಗದಲ್ಲಿ ಚಿನ್ನಕ್ಕೆ ಎಷ್ಟು ಬೇಡಿಕೆ ಎಂಬುದು ಗೊತ್ತಾಗುತ್ತದೆ.

ಸ್ಪಾಟ್ ಚಿನ್ನವು ವಾರದ ಅಂತ್ಯಕ್ಕೆ ಪ್ರತಿ ಔನ್ಸ್‌ಗೆ 4,751.68 ಅಥವಾ ಸುಮಾರು 152.80 ಪ್ರತಿ ಗ್ರಾಂನಂತೆ ವಹೀವಾಟು ಕೊನೆಗೊಳಿಸಿವೆ. ಏರಿಳಿತದ ವ್ಯಾಪಾರದ ಹೊರತಾಗಿಯೂ ಇದು ಸುಮಾರು ಶೇ.2 ಹೆಚ್ಚಳ ದಾಖಲಿಸಿದೆ. ಹಲವು ವಿಶ್ಲೇಷಕರು ಮತ್ತು ಅಲ್ಪಾವಧಿಯ ವ್ಯಾಪಾರಿಗಳು ಟ್ರ್ಯಾಕ್ ಮಾಡುವ ತಾಂತ್ರಿಕ ಸೂಚಕಗಳ ಪ್ರಕಾರ, ಈಗ ಪ್ರತಿ ಔನ್ಸ್‌ಗೆ 4,700 ರಷ್ಟು ಬೆಲೆ ಇದೆ. ಕೊಲ್ಲಿ ರಾಷ್ಟ್ರಗಳ ಕದನ ವಿರಾಮ ಸಂದರ್ಭದಲ್ಲಿ ಔನ್ಸ್ ಚಿನ್ನವು 4,888ರ ಆಸುಪಾಸಿನಲ್ಲಿತ್ತು. ಅದು ಮೂರು ವಾರಗಳ ಗರಿಷ್ಠ ಮಟ್ಟ ಎನ್ನಲಾಗಿದೆ.

ದೆಹಲಿಯಲ್ಲಿ, ಕಳೆದ ಹತ್ತು ವಹಿವಾಟು ಅವಧಿಗಳಲ್ಲಿ ಚಿನ್ನದ ಬೆಲೆಯಲ್ಲಿ ಗಮನಾರ್ಹ ಏರಿಳಿತಗಳು ದಾಖಲಾಗಿವೆ. ಏಪ್ರಿಲ್ 12 ಮತ್ತು 11 ರಂದು 24ಕ್ಯಾರಟ್ ಚಿನ್ನವು ಪ್ರತಿ ಗ್ರಾಂಗೆ ₹15,299 ಮತ್ತು 22ಕ್ಯಾರಟ್ ಚಿನ್ನ ₹14,025 ರಷ್ಟಿತ್ತು. ಏಪ್ರಿಲ್ 10 ರಂದು 24ಕ್ಯಾರಟ್ ಚಿನ್ನ ₹15,250 ಮತ್ತು 22ಕ್ಯಾರಟ್ ಚಿನ್ನ ₹13,980 ಕ್ಕೆ ಇಳಿದಿತ್ತು, ಆದರೆ ಏಪ್ರಿಲ್ 9 ರಂದು 24ಕ್ಯಾರಟ್ ಚಿನ್ನ ₹15,163 ಮತ್ತು 22ಕ್ಯಾರಟ್ ಚಿನ್ನ ₹13,900 ರಷ್ಟಿತ್ತು.

MCX ನಲ್ಲಿ ಬೆಳ್ಳಿ ವಹಿವಾಟು

ದೇಶೀಯ ಫ್ಯೂಚರ್‌ಗಳಡಿ MCX ನಲ್ಲಿ ಬೆಳ್ಳಿ ವಾರದ ಅಂತ್ಯದಲ್ಲಿ ಪ್ರತಿ ಕಿಲೋಗ್ರಾಂಗೆ ಸುಮಾರು ₹2,43,000 ರಂತೆ ವಹಿವಾಟು ನಡೆಸಿದವು. ಈ ಮಟ್ಟವು ಹಲವು ಭೌತಿಕ ಮಾರುಕಟ್ಟೆಗಳಲ್ಲಿನ ಸ್ಪಾಟ್ ದರಗಳಿಗಿಂತ ಕಡಿಮೆ ಇದೆ. ಇದು ವೆಚ್ಚಗಳು, ತೆರಿಗೆಗಳು, ಸ್ಪ್ರೆಡ್‌ಗಳು ಮತ್ತು ಉತ್ಪನ್ನಗಳ ವಿಭಾಗದಲ್ಲಿ ಅಲ್ಪಾವಧಿಯ ಜಾಗತಿಕ ಬೆಲೆ ಚಲನೆಗಳ ನಿರೀಕ್ಷೆಗಳನ್ನು ಪ್ರತಿಬಿಂಬಿಸುತ್ತದೆ.

ಭಾರತೀಯ ಗ್ರಾಹಕರಿಗೆ ಚಿನ್ನ ಮತ್ತು ಬೆಳ್ಳಿ ಎರಡಕ್ಕೂ ಲೋಹದ ಮೌಲ್ಯದ ಮೇಲೆ ಶೇ.3 ಸರಕು ಮತ್ತು ಸೇವಾ ತೆರಿಗೆ (GST) ವಿಧಿಸಲಾಗುತ್ತದೆ. ಆಭರಣ ತಯಾರಿಕಾ ಶುಲ್ಕಗಳು ಸಾಮಾನ್ಯವಾಗಿ ಚಿನ್ನಕ್ಕೆ ಶೇ.5 ರಿಂದ 35ರಷ್ಟು ಮತ್ತು ಬೆಳ್ಳಿಗೆ ಶೇ.5 ರಿಂದ ಶೇ.25 ವರೆಗೆ ಇದೆ.