India
oi-Shankrappa Parangi
LPG Cylinder Limit & Price: ಮಧ್ಯಪ್ರಾಚ್ಯ ಯುದ್ಧವು ಭಾರತದ ತೈಲ ಪೂರೈಕೆ ಮೇಲೆ ಪ್ರಭಾವ ಬೀರಿದೆ. ಅನೇಕ ನಗರಗಳಲ್ಲಿ LPG ಪೂರೈಕೆಯಲ್ಲಿ ಅಡಚಣೆ ಉಂಟಾಗಿದ್ದು, ಜನರಲ್ಲಿ ಅನಿಲದ ದರ ಹೆಚ್ಚಳದ ಆತಂಕ ಉಂಟಾಗಿದೆ. ಅನೇಕ ಮನೆಗಳು ಈಗ ಮೂಲಭೂತ ಸಮಸ್ಯೆಯನ್ನು ಎದುರು ನೋಡುತ್ತಿವೆ. ಅನೇಕ ಜನರು ಡಿಜಿಟಲ್ ವ್ಯವಸ್ಥೆ ಮೂಲಕ ಸಿಲಿಂಡರ್ ಬುಕಿಂಗ್ ವೇಳೆ ಸಮಸ್ಯೆ ಎದುರಿಸುತ್ತಿದ್ದಾರೆ. ಇದೀಗ ಕಾನೂನುಬದ್ಧವಾಗಿ ಒಂದು ಮನೆಯಲ್ಲಿ ಎಷ್ಟು ಸಿಲಿಂಡರ್ಗಳನ್ನು ಇಟ್ಟುಕೊಳ್ಳಲು ಅವಕಾಶ ಇದೆ. ಹಾಗಾದರೆ ಒಂದು ಕುಟುಂಬ ಒಂದು ವರ್ಷದಲ್ಲಿ ಎಷ್ಟು ಸಿಲಿಂಡರ್ಗಳನ್ನು ಬುಕ್ ಮಾಡಬಹುದು? ಎಂಬಿತ್ಯಾದಿ ಪೂರ್ಣ ಮಾಹಿತಿ ಇಲ್ಲಿದೆ.
ಭಾರತದಲ್ಲಿ ತೈಲ ಸರಬರಾಜು, ಕೊರತೆ, ಅಡುಗೆ ಅನಿಲ ವಿತರಣೆ, ದೇಶಿಯ ಮತ್ತು ವಾಣಿಜ್ಯ LPG ಸಿಲಿಂಡರ್ಗಳೆರಡರಲ್ಲೂ ದರ ಏರಿಕೆಯ ಆತಂಕ ಎದುರಾಗಿದೆ. ಅಡುಗೆ ಅನಿಲ ಖಚಿತತೆಗಾಗಿ ಹಾಗೂ ಸಂಭಾವ್ಯ ತೈಲ, ಇಂಧನ ತೊಂದರೆ ನಿವಾರಣೆಗೆ ಕೇಂದ್ರ ಸರ್ಕಾರವು ಅಗತ್ಯ ಸರಕುಗಳ ಕಾಯ್ದೆ ಜಾರಿಗೆ ತಂದಿದೆ. ದೇಶೀಯ ್ಗ್ರಗ್ರಾಹಕರ ವಾರ್ಷಿಕ ಎಲ್ಪಿಜಿ ಸಿಲಿಂಡರ್ ಬುಕ್ ಮಿತಿ ವಿವರ ಇಲ್ಲಿದೆ.
ಎಲ್ಪಿಜಿ ಸಿಲಿಂಡರ್ ಬುಕಿಂಗ್ ಮಿತಿ
ಭಾರತದಲ್ಲಿ ಸದ್ಯ ದೇಶೀಯ ಸರ್ಕಾರಿ ಬೆಂಬಲಿತ ಎಲ್ಪಿಜಿ ವ್ಯವಸ್ಥೆ ಅಡಿಯಲ್ಲಿ ಒಂದು ವರ್ಷಕ್ಕೆ 14.2 ಕೆಜಿಯ 12 ಸಬ್ಸಿಡಿ ಸಿಲಿಂಡರ್ಗಳನ್ನು ಬುಕ್ ಮಾಡಲು ಅರ್ಹರಾಗಿರುತ್ತಾರೆ. 5 ಕೆಜಿ ಸಿಲಿಂಡರ್ಗಳನ್ನು ಬಳಸುವ ಗ್ರಾಹಕರು ಒಂದು ವರ್ಷಕ್ಕೆ 34 ಸಿಲಿಂಡರ್ ಬುಕ್ ಮಾಡುವ ಮಿತಿ ಜಾರಿಯಲ್ಲಿದೆ. ಒಬ್ಬ ಗೃಹ ಬಳಕೆಯ ಗ್ರಾಹಕರು ಸಾಮಾನ್ಯವಾಗಿ ಈ ಕೋಟಾದ ಅಡಿಯಲ್ಲಿ ತಿಂಗಳಿಗೆ ಒಂದು ಸಬ್ಸಿಡಿ ಸಿಲಿಂಡರ್ ಪಡೆಯಬಹುದು. ಈ ಮಿತಿ ಮುಗಿದ ಬಳಿಕವು ಬೇಕಾದರೆ ಅವರು ಮಾರುಕಟ್ಟೆಯಲ್ಲಿನ ನಿಗದಿತ ದರ ನೀಡಿ ಹೆಚ್ಚುವರಿ ಸಿಲಿಂಡರ್ ಖರೀದಿಸಲು ಅವಕಾಶ ಇದೆ.
ಗೃಹ ಬಳಕೆಗೆ 15 ಸಿಲಿಂಡರ್ ಬುಕಿಂಗ್
ಒಂದು ವರ್ಷದಲ್ಲಿ ಮನೆಯು 14.2 ಕೆಜಿಯ 15 ಸಿಲಿಂಡರ್ಗಳನ್ನು ಬುಕ್ ಮಾಡಬಹುದು. ಅಂದರೆ ವಾರ್ಷಿಕ ಸಬ್ಸಿಡಿ ಕೋಟಾ ಮುಗಿದ ಬಳಿಕ ಸಬ್ಸಿಡಿ ವ್ಯವಸ್ಥೆಯಡಿ 12 ಸಿಲಿಂಡರ್, ಸಬ್ಸಿಡಿ ರಹಿತ ಮಾರುಕಟ್ಟೆ ದರದಲ್ಲಿ 03 ಹೆಚ್ಚುವರಿ ಸಿಲಿಂಡರ್ಗಳನ್ನು ಬುಕ್ ಮಾಡಬಹುದಾಗಿದೆ. ಅನಿಲದ ದುರುಪಯೋಗ ತಡೆಗೆ ಹಾಗೂ ತೈಲ ಸಂರಕ್ಷಣೆಗಾಗಿ ದೇಶೀಯ LPG ಬುಕಿಂಗ್ಗೆ 25 ದಿನಗಳ ಅಂತರ ನೀಡಲಾಗಿದೆ. ಒಂದು ಸಿಲಿಂಡರ್ ಬುಕ್ ಮಾಡಿದ 25 ದಿನ ಒಳಗೆ ಮತ್ತೊಂದು ಸಿಲಿಂಡರ್ ಬುಕ್ ಮಾಡಲು ಅವಕಾಶ ಇಲ್ಲ.
ಮನೆಯಲ್ಲಿ ಎಷ್ಟು ಸಿಲಿಂಡರ್ ಇಡಬಹುದು
ಎಲ್ಪಿಜಿ ಸಿಲಿಂಡರ್ ಬುಕ್ಕಿಂಗ್ ಮಿತಿ ನಿಯಮಗಳ ಪ್ರಕಾರ ಮನೆಯಲ್ಲಿ ಸಿಲಿಂಡರ್ ಸಂಗ್ರಹಣೆಯನ್ನು ಪ್ರತ್ಯೇಕ ಸುರಕ್ಷತಾ ಮಾನದಂಡಗಳಿಂದ ನಿಯಂತ್ರಿಸಲಾಗುತ್ತದೆ. LPG ಗ್ರಾಹಕರು ಸಾಮಾನ್ಯವಾಗಿ ಒಂದೇ ಸಮಯದಲ್ಲಿ ಒಟ್ಟು ಎರಡು ಸಿಲಿಂಡರ್ಗಳನ್ನು ಮನೆಯಲ್ಲಿ ಇಡಲು ಅವಕಾಶ ಇದೆ. ಇದಕ್ಕಿಂತ ಹೆಚ್ಚಿನ ಸಿಲಿಂಡರ್ಗಳನ್ನು ಇಡಲು ಅವಕಾಶ ಇಲ್ಲ.
ಮನೆಯಲ್ಲಿ ನಿತ್ಯ ಬಳಕೆಗಾಗಿ ಒಂದು ಸಿಲಿಂಡರ್ ಇಟ್ಟುಕೊಳ್ಳುವ ಜೊತೆಗೆ ಬ್ಯಾಕಪ್ ಆಗಿ ಒಂದು ಸಿಲಿಂಡರ್ ಇಟ್ಟುಕೊಳ್ಳಬಹುದು. ಸುರಕ್ಷತೆ ಇಲ್ಲದೇ ಪ್ರದೇಶಗಳಲ್ಲಿ ಗೃಹ ಬಳಕೆಯ ಸಿಲಿಂಡರ್ ಹೆಚ್ಚು ಇಡಲು ಅವಕಾಶ ಇಲ್ಲ. ಆಕಸ್ಮಾತ್ ಬೆಂಕಿ ತಗುಲಿದರೆ ಅನಿಲವು ಹೆಚ್ಚಿನ ಪ್ರದೇಶ ವಿಸ್ತರಿಸಿ ಹಾನಿ ಉಂಟು ಮಾಡುವ ಸಾಧ್ಯತೆ ಇರುತ್ತದೆ. ಹೀಗಾಗಿ ಈ ನಿಯಮಗಳನ್ನು ಕಟ್ಟು ನಿಟ್ಟಾಗಿ ಜಾರಿ ಮಾಡಲಾಗಿದೆ.
ವಾಣಿಜ್ಯ ಬಳಕೆದಾರರಿಗೆ, ಶೇಖರಣಾ ನಿಯಮಗಳು ವಿಭಿನ್ನವಾಗಿವೆ. ವಾಣಿಜ್ಯ ಸಂಸ್ಥೆಗಳು ನಿರ್ದಿಷ್ಟ ಪರಿಸ್ಥಿತಿಗಳಲ್ಲಿ 100 ಕೆಜಿ ವರೆಗೆ ಎಲ್ಪಿಜಿ ಅನ್ನು ಸಂಗ್ರಹಿಸಬಹುದು. ಇನ್ನೂ ಮನೆಗಳಲ್ಲಿ ಸಂಪರ್ಕ ಇಲ್ಲದ ಸಿಲಿಂಡರ್ ಹಾಗೆ ಇಡುವಂತಿಲ್ಲ. ಇಡುವಂತಿದ್ದರೆ ಅದಕ್ಕೆ ಪರವಾನಿಗೆ ಅಗತ್ಯವಿರುತ್ತದೆ.
ಕೈಗಾರಿಕೆ ವಾಣಿಜ್ಯ ಬಳಕೆ ಮಿತಿಗಳೇನು?
ಕೈಗಾರಿಕಾ/ವಾಣಿಜ್ಯ ಬಳಕೆಗಾಗಿ ಎಲ್ಪಿಜಿ ಗ್ಯಾಸ್ ಬಳಸುವವರಿಗೆ ಮೀತಿಗಳು ಭಿನ್ನವಾಗಿದೆ. ಇವರಿಗೆ ಹೆಚ್ಚಿನ ಸಿಲಿಂಡರ್ ಸಂಗ್ರಹಣೆ ಅಗತ್ಯವಿರುತ್ತದೆ. ಎಲ್ಪಿಜಿ ಪೈಪ್ಲೈನ್ಗಳ ಮೂಲಕ ಸಂಪರ್ಕ ನೀಡಿ ಬಳಸಲಾಗುತ್ತದೆ. ಸಂಬಂಧಿಸಿದವರಿಂದ ವಾಣಿಜ್ಯ/ಕೈಗಾರಿಕೆ ಬಳಕೆದಾರರು ಪರಿಶೀಲಿಸಿರಬೇಕು. ಇಂದಿನ ಯುದ್ಧದ ಸನ್ನಿವೇಶದಲ್ಲಿ ತೈಲ ಸಂಗ್ರಹಣೆಯ ಭಯ ಹೆಚ್ಚುತ್ತಿದೆ. ಹೀಗಾಗಿ ಕೇಂದ್ರ ಸರ್ಕಾರ ಪರಿಶೀಲನೆಗಳನ್ನು ಹೆಚ್ಚಿಸಿದೆ. ಸಂಗ್ರಹಿಸಿಟ್ಟುಕೊಳ್ಳಂತೆ ಎಚ್ಚರ ವಹಿಸುತ್ತಿದೆ.
ಮಧ್ಯಪ್ರಾಚ್ಯ ರಾಷ್ಟ್ರಗಳಲ್ಲಿ ಉದ್ವಿಗ್ನತೆ ಹೆಚ್ಚಾಗಿದೆ. ಯುದ್ಧಗಳ ತೀವ್ರತೆ ಹೆಚ್ಚಾಗಿದ್ದು, ಜಾಗತಿಕ ಇಂಧನ ಮಾರುಕಟ್ಟೆಗಳ ಮೇಲೆ ಪರಿಣಾಮ ಬೀರುತ್ತಿದೆ. ಇದು ಇರಾನ್, ಇರಾಕ್ ಹಾಗೂ ಕೊಲ್ಲಿ ದೇಶಗಳಿಂದ ಆಮದು ಮಾಡಿಕೊಳ್ಳುವ ಭಾರತದ ಎಲ್ಪಿಜಿ ಪೂರೈಕೆ ಸರಪಳಿಯ ಮೇಲೆ ಒತ್ತಡ ಹೆಚ್ಚಿಸಿದೆ. ಹೀಗಾಗಿ ಅದರ ವಿತರಣೆಯಲ್ಲಿ ಕೊರತೆ ಆಗಬಹುದು ಎನ್ನಲಾಗಿದೆ. ಆದರೆ ಕೇಂದ್ರ ಸರ್ಕಾರ ತೈಲ ವಿತರಣೆ, ಪೂರೈಕೆ, ಬಳಕೆ, ಸಂಗ್ರಹಣೆ ಕುರಿತು ಅಗತ್ಯ ಮುನ್ನೆಚ್ಚರಿಕೆ ವಹಿಸಿದೆ.
ದೇಶೀಯ ಎಲ್ಪಿಜಿ ಸಿಲಿಂಡರ್ ಬೆಲೆ (14.2 ಕೆಜಿ)
ದೆಹಲಿ: 913 ರೂಪಾಯಿ
ಮುಂಬೈ: 912.50 ರೂಪಾಯಿ
ಕೋಲ್ಕತ್ತಾ: 939 ರೂಪಾಯಿ
ಚೆನ್ನೈ: ರೂ 928.50 ರೂಪಾಯಿ
ಕಳೆದ ಒಂದೇ ವಾರದಲ್ಲಿ ಸುಮಾರು 60 ರೂಪಾಯಿ ಬೆಲೆ ಹೆಚ್ಚಾಗಿದೆ.
ಮಹಾನಗರಗಳಲ್ಲಿ ದೇಶೀಯ ಎಲ್ಪಿಜಿ ದರ ಎಷ್ಟಿದೆ?
ನವದೆಹಲಿ: 913 ರೂಪಾಯಿ
ಬೆಂಗಳೂರು: 915.50 ರೂಪಾಯಿ
ಮುಂಬೈ: 912.50 ರೂಪಾಯಿ
ಜೈಪುರ: 916.50 ರೂಪಾಯಿ
ಪಾಟ್ನಾ: 1,002.50 ರೂಪಾಯಿ
ತಿರುವನಂತಪುರಂ: 922.00 ರೂಪಾಯಿ
ಭುವನೇಶ್ವರ: 939.00 ರೂಪಾಯಿ
ನೋಯ್ಡಾ: 910.50 ರೂಪಾಯಿ
ಗುರ್ಗಾಂವ್: 921.50 ರೂಪಾಯಿ
ಹೈದರಾಬಾದ್: 965.00 ರೂಪಾಯಿ
ಲಕ್ನೋ: 950.50 ರೂಪಾಯಿ
ವಾಣಿಜ್ಯ ಎಲ್ಪಿಜಿ ಸಿಲಿಂಡರ್ ಬೆಲೆ (19 ಕೆಜಿ)
ಹೋಟೆಲ್ಗಳು, ರೆಸ್ಟೋರೆಂಟ್ಗಳು ಮತ್ತು ಆಹಾರ ಸೇವಾ ನಿರ್ವಾಹಕರು ಹೆಚ್ಚಾಗಿ ಈ 19 ಕೆಜಿ ತೂಕದ ವಾಣಿಜ್ಯ ಅಡುಗೆ ಅನಿಲ ಸಿಲಿಂಡರ್ ಬಳಸುತ್ತಾರೆ. ವಾಣಿಜ್ಯ ಎಲ್ಪಿಜಿ ಸಿಲಿಂಡರ್ ಬೆಲೆ 144 ರೂ.ಗಳಷ್ಟು ಹೆಚ್ಚಾಗಿದ್ದು, ಒಂದು ಸಿಲಿಂಡರ್ಗೆ ದರ ಎಷ್ಟಿದೆ?
ನವದೆಹಲಿ: 1,884.50 ರೂಪಾಯಿ
ಹೈದರಾಬಾದ್: 2,105.50 ರೂಪಾಯಿ
ಪಾಟ್ನಾ: 2,133.50 ರೂಪಾಯಿ
ಮುಂಬೈ: 1,836.00 ರೂಪಾಯಿ
ಕೋಲ್ಕತ್ತಾ: 1,988.50 ರೂಪಾಯಿ
ಚೆನ್ನೈ: 2,043.50 ರೂಪಾಯಿ
-
LPG Cylinder Booking: ಎಲ್ಪಿಜಿ ಸಿಲಿಂಡರ್ ಬುಕಿಂಗ್ನಲ್ಲಿ ಮಹತ್ವದ ಬದಲಾವಣೆ: ಕೇಂದ್ರ ಸರ್ಕಾರದಿಂದ ಹೊಸ ನಿಯಮ ಜಾರಿ
-
LPG Gas: ದೇಶದಲ್ಲಿ’ಅಡುಗೆ ಅನಿಲ ತುರ್ತು ಪರಿಸ್ಥಿತಿ’ ಭೀತಿ; ಡಿಜಿಟಲ್ ಬುಕಿಂಗ್ ಸರ್ವರ್ ಡೌನ್; ಏಜೆನ್ಸಿಗಳ ಮುಂದೆ ಜನರ ಕ್ಯೂ
-
LPG Crisis: ಭಾರತದ ಎಲ್ಪಿಜಿ ಬಿಕ್ಕಟ್ಟಿನ ಚರ್ಚೆಯ ಹಿಂದಿನ ವಾಸ್ತವ: ನೀತಿ ವೈಫಲ್ಯವಲ್ಲ, ಜಾಗತಿಕ ಇಂಧನ ಆಘಾತ
-
ದೇಶದಲ್ಲಿ ನಿಜಕ್ಕೂ ಎಲ್ಪಿಜಿ ಕೊರತೆ ಇದೆಯೇ, ಗಾಬರಿ ಬೇಡ: ಕೃಷ್ಣ ಭಟ್ ಬರಹ
-
Petrol Price Hike: ಗ್ಯಾಸ್ ಸಿಲಿಂಡರ್ ನಂತರ ಪೆಟ್ರೋಲ್ – ಡೀಸೆಲ್ ಬೆಲೆ 20 – 22 ರೂ. ಹೆಚ್ಚಳ ಸಾಧ್ಯತೆ, ಬೆಂಗಳೂರಲ್ಲಿ ಎಷ್ಟಿದೆ
-
ಇರಾನ್ ಸಂಘರ್ಷ: ಭಾರತದ ಪ್ರಯತ್ನಕ್ಕೆ ಫಲ, ಕೊಲ್ಲಿ ಮಾರ್ಗವಾಗಿ ಭಾರತಕ್ಕೆ ಬಂದ ಮೊದಲ ತೈಲ ಟ್ಯಾಂಕರ್
-
LPG Gas Crisis: ಯುದ್ಧ ಪರಿಣಾಮ: ಬೆಂಗಳೂರಿನಲ್ಲಿ ವಾಣಿಜ್ಯ ಗ್ಯಾಸ್ ಸಿಲಿಂಡರ್ ಕೊರತೆ, ಹೋಟೆಲ್, ಪಿಜಿಗಳಲ್ಲಿ ಮೆನು ಚೇಂಜ್
-
Bengaluru Gas: ಬೆಂಗಳೂರಿನಲ್ಲಿ ಎಲೆಕ್ಟ್ರಿಕ್ ಸ್ಟೌವ್ಗಳಿಗೆ ಭಾರೀ ಡಿಮ್ಯಾಂಡ್, ಕಾರಣವೇನು
-
LPG ಪೂರೈಕೆ ವ್ಯತ್ಯಯ: ಬೆಂಗಳೂರಿನ ಪಿಜಿಗಳಲ್ಲೂ ಆಹಾರ ಪೂರೈಕೆ ಸ್ಥಗಿತದ ಭೀತಿ, ಆತಂಕದಲ್ಲಿ 10 ಲಕ್ಷ ಮಂದಿ
-
ಮತ್ತೆ ಶುರುವಾಗುತ್ತಾ ವರ್ಕ್ ಫ್ರಂ ಹೋಮ್? ಇಂಧನ ಕೊರತೆ ಬೆನ್ನಲ್ಲೇ ಹಲವು ದೇಶಗಳಲ್ಲಿ ಕಚೇರಿಗಳಿಗೆ ನಿರ್ಬಂಧ
-
ಮಧ್ಯಪ್ರಾಚ್ಯ ಯುದ್ಧ: ಗ್ಯಾಸ್ ಸಿಲಿಂಡರ್, ಪೆಟ್ರೋಲ್ – ಡಿಸೇಲ್ ಸೇರಿದಂತೆ ಪ್ರಮುಖ ವಸ್ತುಗಳ ಬಗ್ಗೆ ಕೇಂದ್ರದಿಂದ ಮಹತ್ವದ ಆದೇಶ
-
LPG: ಬೆಂಗಳೂರಿಗೆ ವಾಣಿಜ್ಯ ಎಲ್ಪಿಜಿ ಸಿಲಿಂಡರ್ ಪೂರೈಕೆ ತಕ್ಷಣವೇ ಆರಂಭಿಸಿ: ಕೇಂದ್ರಕ್ಕೆ ಸಿಎಂ ಸಿದ್ದರಾಮಯ್ಯ ಪತ್ರ
-
Bengaluru PG: ಬೆಂಗಳೂರಲ್ಲಿ ವಾಣಿಜ್ಯ ಗ್ಯಾಸ್ ಸಿಲಿಂಡರ್ ಕೊರತೆ: ಪಿಜಿಗಳಲ್ಲಿ ಊಟ ಬಂದ್, ವೈರಲ್ ಪೋಸ್ಟ್
-
War Updates: ಇರಾನ್ಗೆ ಟ್ರಂಪ್ ವಾರ್ನಿಂಗ್: ತೈಲ ಮಾರ್ಗ ಬಂದ್ ಮಾಡಿದರೆ ದೇಶವೇ ಸರ್ವನಾಶ, ಇಂದಿನ ಪ್ರಮುಖಾಂಶಗಳು
-
ಮಲೆ ಮಹದೇಶ್ವರ ಬೆಟ್ಟದ ಅನ್ನದಾಸೋಹ, ಲಾಡು ಪ್ರಸಾದಕ್ಕೂ ಕವಿದ ಯುದ್ಧದ ಕಾರ್ಮೋಡ
Disclaimer: This content was automatically imported from a third-party source via RSS feed. The original source is: https://kannada.oneindia.com/news/india/lpg-cylinder-booking-limits-2026-how-many-cylinders-can-you-keep-at-home-amid-oil-crisis-446837.html. xn--babytilbehr-pgb.com does not claim ownership of this content. All rights remain with the original publisher.
